بەهۆی پابەند نەبوون بە رێكارەكانی خۆپارێزی تەندروستی لە سلێمانی 12 شوێن دادەخرێت و قایمقامیەت رایدەگەیەنێت و سەرپێچیكاران روبەڕوی سزای یاسایی توند دەكرێنەوە.
لەشكر حەمید، سەرۆكی لیژنە هاوبەشەكانی قائیمقامیەتی سلێمانی رایگەیاند: بەهۆی پابەندنەبونیان بە مەرج و رێنماییەكانی كاركردن و رێكارەكانی خۆپارێزی لە كۆرۆنا 12 شوێنی سەرپێچیكار لەشاری سلێمانی داخراوە.
سەرۆكی لیژنە هاوبەشەكان وتیشی: شوێنەكان پێشتر ئاگادار كراونەتەوە كە پابەندی رێنماییەكانی تەندروستی و رێكارەكانی خۆپارێزی بن، بەڵام بەهۆی بەردەوام بون لەسەرپێچیكردن داخراون.
ئەو روونیشیكردەوە ئەو شوێنانەی داخراون هەریەكە لە شوێنەكانی (گازینۆ و بلیاردی ئەستێرە، فرۆشگای قەرەداغ، پیتزای میلان، خواردەمەنی دڵی شار، فڕنی سەمونی حەجەری مەولەوی، گۆشتفرۆشی یاران، چێشتخانەی هاوبیر، سەتاشخانەی جیهاد ، فرۆشگاكانی محمەد و احمد و فڕنی نانی غوربەت) لەشاری سلێمانی دادەخرێن.
لەشكر حەمید ئاماژەی بۆ ئەوەشكرد: بەفەرمانی قائیمقامی سلێمانی سەرجەم ئەو شوێنانە دادەخرێن و خاوەنەكانیشیان روبەڕوی رێكاری یاسایی توند دەكرێنەوە.