بەیانی ئەمڕۆ چوارشەممە نرخی نەوتی برێنت لە بازاڕەكانی جیهان بەرزبووەوە و بەرمیلێك بە 57 دۆلار و 28 سەنت مامەڵەی پێوەكرا. نرخی بەرمیلێك نەوتی ئەمریكیش بە 53 دۆلار و 74 سەنت مامەڵەی پێوەكرا.
نرخی نەوت لە هەفتەی رابردووەوە بەرزبوونەوەی بەخۆیەوە بینیوە و هۆكارەكەشی پەیوەندی بە بڕیارێكی سعودیەوە هەیە كە بڕیاریدا لە مانگەكانی شوبات و ئازار یەك ملیۆن بەرمیلی رۆژانە كەمبكاتەوە.
لە رۆژی 24ی شوباتی 2020 نرخی نەوت بە 56 دۆلار و 30 سەنت مامەڵەی پێوە كرابوو دوای ئەوە بەشێوەیەكی بەردەوام رووی لە دابەزینكرد و بە شێوەیەك لە ناوەڕاستی مانگی نیساندا نرخی نەوتی برێنت گەیشتە خوار 20 دۆلارەوە.