چەند چەکدارێک لە هەولێر هێرش دەکەنە سەر سێ چێشتخانە و خاوەن یەکێک لە چێشتخانەکان دەڵێت، نزیکەی 500 فیشەک بە ئاراستەی چێشتخانەکەم تەقێندراوە.
پەیامنێری تۆڕی هەواڵی ژیان رایگەیاند، بەرەبەیانی ئەمڕۆ
چوار کەس چوونەتە چێشتخانەیە لە هەولێر و داوای خواردنیان کردووە بەڵام خاوەنی
چێشتخانەکە پێیوتوون کە خواردنیان نەماوە.
ئاماژەی بەوەشکرد، پاش چەند خولەکێک ئەو چوار کەسە گەڕوانەتەوە
شوێنەکە و دەستدڕێژی گوللەیان لە سێ چێشتخانە و چاخانەیەک کردووە و بەۆهۆیەوە
زیانی ماددی زۆر بە چێشتخانەکان کەوتووە.
ئەوەشی خستەڕوو، بەتۆمەتی ئەنجامدانی ئەو کارە، تاوەکو
ئێستا هیچ کەس دەستگیرنەکراوە و پۆلیس و هێزە ئەمنییەکانی هەولێریش لێکۆڵینەوەیان
لە رووداوەکە دەستپێکردووە.
خاوەنی یەکێک لە چێشتخانەکان بە تۆڕی هەواڵی ژیانی
راگەیاند، "نزیکەی 500 فیشەک بە ئاراستەی چێشتخانەکەم تەقێندراوە و زیانی
ماددی زۆرمان پێگەیشتووە".
روونیشیکردووە، نزیکەی کاتژمێر ٣:٣٠ خولەکی سەر لە بەیانی
ئەمڕۆ، چەند کەسێک چوونەتە چێشتخانەکەیان بەمەبستی نانخواردن، بەڵام ئەوان
پێێانوتوون کە خواردنیان نەماوە و بەوهۆیەشەوە لەنێوان ئەو چەند کەسە و کوڕی خاوەن
چێشتخانەکە دەمەقاڵێ دروستبووە.
ئەوەشی خستەڕوو، دواتر ئەو چەند کەسە رۆیشتوون و پاش
ماوەیک بە چەکەوە گەڕاونەتەوە و دەستڕێژی گۆللەیان لە چێشتخانەکان کردووە.
وتیشی، باش بووە کە لەو کاتەدا قەرەباڵغ نەبووە و کەسی
لێنەبووە، ئەگینا بە دڵنیاییەوە چەند کەسێک دەکوژرا.