مستەفا کازمی سەرۆک وەزیرانی عێراق ڕایگەیاند، بە هیچ شێوەیەک نابێت خاکی عێراق بکرێتە گۆڕەپانی یەکلایکردنەوەی کێشە و ناکۆییەکان.
مستەفا کازمی لە کۆبوونەوەی ئەمڕۆی ئەنجومەنی وەزیرانی عێراقدا ڕایگەیاند، ئەو موشەکانەی کە ئاراستەی ناوەندە دیپلۆماتییەکان دەکرێن، بۆ ڕێگریکردنە لە پێشکەوتنی حکومەت و بۆ ئیحراجکردنیەتی.
سەرۆک وەزیرانی عێراق ئاماژەی بەوەەشکرد، دەزگا ئەمنییەکان دەستیان دەگاتە تاوانباران و نیشانی ڕای گشتیان دەدەن.
لە بەشێکی تری وتەکانیدا کازمی جەختیکردەوە، ئۆپراسیۆنی دەستپێشخەریانە لە دژی تیرۆر لە زیادبووندایە، بە مەبەستی کۆتایی هێنان بەو سەرچاوە و حەشارگانەی تیرۆر کە ماون.
ئاماژەی بەوەشکرد، سوپا و هێزە ئەمنییەکان شەو و ڕۆژیان خستووەتە سەر یەک بۆ ڕاوەدوونانی تیرۆر و تیرۆریستان.
لە بەشێکی دیکەی کۆبوونەوەکەی ئەمڕۆی ئەنجومەنی وەزیراندا، تاوتوێی دۆخی کۆرۆنا کرا و لەوبارەیەوە سەرۆک وەزیرانی عێراق، ستایشی هاوڵاتیانی کرد، کە پابەندن بە بڕیاری قەدەغەی هاتووچۆز
هاوکات ستایشی دەزگا و دامەزراوەکانی دەوڵەتی کرد، کە هاوکار و پشتیوان بوون بۆ جێبەجێکردنی بڕیاری قەدەغە کردنەکە، ڕوونیشیکردەوە ئەگەر خەڵک پابەند بێت، ئەوان دەتوانرێت سنورێک دابنرێت بۆ گۆرۆنای گۆڕاو، کە مەترسی لە کۆرنای پێشوو زیاترە.