وتەبێژی سکرتێری گشتیی نەتەوە یەکگرتووەکان داوا لەلایەنەکانی حەلەب دەکات پەرەسەندنەکان کەم بکەنەوە، دان بەخۆیاندا بگرن و خەڵکی مەدەنی بپارێزن، دەشڵێت: بە قوڵی لە کوژرانی خەڵکی مەدەنی لە حەلەب نیگەرانن.
ستیڤان دووژاریک، وتەبێژی سکرتێری گشتیی نەتەوە یەکگرتووەکان رایگەیاند، "سکرتێری گشتی نیگەرانە لەو راپۆرتانەی باس لە کوژران و برینداربوونی خەڵکی مەدەنی دەکەن بەهۆی پێکدادانەکان لە حەلەب. نەتەوە یەکگرتووەکان دووپاتی دەکاتەوە کە پاراستنی مەدەنییەکان و ژێرخانە مەدەنییەکان ئەرکی هەموو لایەنەکانە بەپێی یاسا نێودەوڵەتییەکان".