ئەحمەدی حاجی ڕەشید ئەندامی پێشووی ئەنجومەنی نوێنەرانی عێراق، بە دەنگی ئەمەریکای ڕاگەیاند،"بە پێی قسەکانی وەزیری دارایی عێراق لە ناو لیژنەی دارایی، هەرێم زیاد لە پشکی خۆی (لە سەروو پشکی خۆیەوە) 5 ترلیۆن و 200 ملیاری وەرگرتووە."

دەشڵێت "دوای سەردانی وەفدی هەرێم بە سەرۆکایەتی سەرۆک وەزیران و جێگرەکەی،سودانی موافەقەتی کردووە بۆ ماوەی سێ مانگ 2 ترلیۆن و 100ملیارمان بدەنێ، لە ڕێگەی بانکەکانی (TBI، ڕافیدەین و ڕەشید) ،هەرچی بانکی TBIیە 2 ترلیۆن و نیوی لای حکومەتە، پێنج 400 ملیاریشمان پێشتر بە قەرز وەرگرتووە( پێنج کەڕەت 400 ملیار) ، کە دەکاتە دوو ترلیۆن دینار."

دەشڵێت،"پێشتریش سکرتێری ئەنجومەنی وەزیرانی هەرێم لە دانیشتێکی پەرلەمانی کوردستان لە ساڵی 2021 رایگەیاندبوو، هەرێم 31 ملیار دۆلار قەرزدارە. بە پێی قسەی ئەم کابینەیەش بێت حکومەت 2 ملیار دۆلاری داوەتەوە، بەڵام هێشتا 29 ملیار دۆلارەکەی تر ماوە کە دەکاتە نزیکەی (43.500 ترلیۆن و پێنج سەد ملیار) دینار بە نرخی ئەمڕۆی دۆلار بەرامبەر بە دینار، کە کۆی گشتی دەکاتە زیاتر لە 5 ترلیۆن دینار."