وەزارەتی کارەبا بڕیاری لێخۆشبوونی ٢٠% ی قەرزی کارەبای لە ئەمڕۆوە خستە بواری جێبەجێکردنەوە و بڕیارە تا ئاساییبوونەوەی دۆخی دارایی بەردەوام بێت.
بەپێی نووسراوێک کە واژووی ئەردەڵان شوکری بەڕێوەبەری گشتیی دیوانی وەزارەتی کارەبای لەسەرە، گشتاندن بۆ بەڕێوەبەرایەتییە گشتییەکانی کارەبا لە پارێزگا و ئیدارە سەربەخۆکان کراوە و جەختکراوەتەوە بڕیارەکە تا ئاساییبوونەوەی دۆخی دارایی بەردەوام دەبێت.
ئەمەش لە کاتێکدایە حکومەتی هەرێم ڕۆژی ٢٧ی ئازار، لە کۆبوونەوەی ئەنجومەنی وەزیران کۆمەڵێک بڕیاری دەرکرد، یەکێک لەو بڕیارانە لێخۆشبوونی لە (٢٠%)ی کرێ قەرزی کارەبا بوو.