سبەینێ ئەنجومەنی نوێنەرانی عێراق كۆدەبێتەوە و یەكێك لە تەوەرەكانی كۆبونەوەكەش هەمواری یاسای لێبوردنی گشتییە.
فەرمانگەی ڕاگەیاندنی ئەنجومەنی نوێنەرانی عێراق ڕاگەیەندراوێكی بڵاوكردەوە و تیایدا هاتووە، ڕۆژی شەممە و یەك شەممە ئەنجومەنەكە كۆدەبێتەوە و چەند بابەتێك خوێندنەوەیان بۆ دەكرێت.
دەشڵێت، سبەینێ شەممە خوێندنەوەی یەكەم بۆ هەمواری یاسای لێبوردنی گشتی و خوێندنەوەی دووەمیش بۆ یاسای قەرەبووی زیان لێكەوتوانی دەستی بەعس دەكرێت.
ئەوەش هاتووە، لە ڕۆژی یەكشەممە خوێندنەوەی دووەم بۆ یاسای پارێزەری و بەدەستهێنانی زانیاری و ڕێككەوتنی نێوان عێراق و سوریا لە بواری ئاسمانیدا دەكرێت.