کوردانی بەریتانیا هەڵمەتێکی واژۆکۆکردنەوە بۆ پشتگیری لە ڕۆژئاوای و ڕۆژهەڵاتی کوردستان ڕادەگەیەنن، دەڵێن پێویستە حکومەتی بەریتانیا هەنگاو بنێت و کوشتنی هاوڵاتیانی مەدەنی کورد لە ڕۆژاڤا و ڕۆژهەڵات ئیدانە بکات.
کوردانی بەریتانیا ئاماژەیان بەوەکردووە، "داوا لە حکومەتی بەریتانیا دەکەین دەستبەجێ هەنگاو بنێت بۆ هەوڵدان بۆ وەستاندنی کوشتنی هاوڵاتیانی مەدەنی کورد لە ڕۆژاڤا و ڕۆژهەڵات. پێویستە بەریتانیا ئەم هێرشانە ئیدانە بکات و لە نەتەوە یەکگرتووەکان بەرزیان بکاتەوە و فشار بخاتە سەر حکومەتەکانی سوریا و ئێران بۆ ڕاگرتنی توندوتیژی و سەپاندنی سزاکان و پاراستنی هاوڵاتیانی مەدەنی".
باس لەوەش دەکەن کە، ئامانج لەم کەمپینە ئەوەیە کە زۆرترین خەڵک واژۆی بکات و حکومەت و پەرلەمانی بەڕیتانیا بێنە سەر خەت، و هەنگاو بنێت بۆ ڕێگریکردن لە خوێنڕشتنی زیاتر و کارەساتی مرۆیی.
لەم لینکەوە دەتوانیت بەشداربیت