نرخی نەوت لەمڕۆی بازاڕەكانی جیهاندا

  2020-10-26  | 
 تۆڕی هەواڵی ژیان
بەیانی ئەمڕۆ دووشەممە نرخی نەوتی خاوی برێنت لە بازاڕەكانی جیهاندا بە 41 دۆلار و یەك سەنت مامەڵەی پێوەكرا و بەهای یەك بەرمیل نەوتی ئەمریكیش بە 39دۆلار و نۆ سەنت مامەڵەی پێوەكرا.


ئەوە لە كاتێكدایە بەیانی دوێنێ یەكشەممە بەهای نەوتی برێنت لە بازاڕەكانی جیهاندا  بە 41 دۆلار و 71 سەنت و نەوتی خاوی ئەمریكی بە 39دۆلار و 70 سەنت مامەڵەی پێوەكرا، بەراورد بە دوێنێ ئەم كاتە نرخی نەوت بە هەردوو جۆرە ناسراوەكەیچەند سەنتێك بەهای خۆیان لەدەستداوە ئەوەش بۆ ماوەی سێ رۆژی لەسەر یەكە رۆژانە چەند سەنتێك لە بەهاكەی لەدەست دەدات. 

ماوەی شەش مانگی رابردوو بەهای نەوت بەشێوەیەكی ئاسایی رووی لە بەرزبووەنەوە كردووە بەراورد بە چەند مانگی سەرەتای ساڵ كە ڤایرۆسی كۆرۆنا بڵاوبویەوە، هۆكاری بەرزبوونەوەكەش بۆ ئاساییبوونەوەی دۆخی ژیانی خەڵك و كارگەكان لە جیهان دەگەڕێتەوە دوای گرتنەبەری رێكارەكانی روبەڕوبوونەوەی ڤایرۆسی كۆرۆنا، ئەوە جگە لە كەمكردنەوەی بڕی هەناردەی نەوت و راگرتنی باڵانسی هەناردە لەلایەن وڵاتانی ئۆپیك و ئۆپیك پڵەسەوە. 

هەرچەندە لە سەرەتای ئەم مانگەوە بەهای نەوت لەگەڵ تووشبوونی سەرۆكی ئەمریكا بە كۆرۆنا چەند دۆلارێك دابەزی، بەڵام جارێكی دیكە بەهای نەوت رووی لەبەرزبوونەوە كردووە.