سازدانی: داستان
هونەرمەند هەردێ سەمیر ساڵانێكە لە بواری شانۆ و درامادا كاردەكات، ئەو بە كارەكانی توانیوویەتی ببێتە جێگەی سەرنجی بینەران، بەتایبەت بینەرانی دراما، لەم دەرفەتەی (
تۆڕی هەواڵی ژیان)دا هەردێ باس لە ئەزموونی خۆی دەكات.
ژیان: چۆن لە نواندنی شانۆوە چوویتە بواری نواندن لە سینەمادا؟
هەردێ سەمیر: من ئەمەوێ یەكێكبم لەچیرۆك گێڕەرەوەكان واتا كارەكتەرێك بەرجەستە بكەم لەناو چیرۆكێكا ئەگەر لەناو فیلم بێت یاخود شانۆ..بەتایبەت ئەو چیرۆكانەی كەتایبەتن بەپرسی نەتەوە و جینۆساید
ژیان: پێوەرت چییە كاتێك كارێك دەخرێتە بەردەستت بۆ ئەوەی بەشداری تێدا بكەین؟
هەردێ سەمیر: ئەو لایەنانە زۆرن كەبەردەوام بیری لێئەكەمەوە بۆ بەشداری كارێك ، یەكێك لەوانە كارەكتەری ناو سیناریۆیەك لەگەڵ دانەیەكی دی جیاوازبێت ، لەھەمووی گرنگتر سیناریۆ بڕیارم پێئەدات بیكەم یاخود نا
ژیان: حەزت لە كامە شێوازی فیلمە؟ سەرسامی كامە ئاكتەری جیهانیت؟
هەردێ سەمیر: فیلمی مێژووی بەتایبەت ئەگەر كار بكرێت لەسەر كارەسات و مێژ و جینۆسایدی كورد.. ئەمە بابەتێكە گرنگە و دەبێت كاری بۆبكرێ، دانیال دای لویس ئەو كەسەیە چاوم زۆر لەسەریەتی و پێی سەرسامم .. ئەكرێ وەك قوتابخانەیەك سەیری بكەین.
ژیان: ئەو ڕۆڵانەی دەریان دەگریت حەزدەكەی لە كاراكتەری خۆت لە ناو ژیاندا نزیك بن یاخود بە پیچەوانەوە؟
هەردێ سەمیر: حەزئەكەم بەتەواوی جیاوازبێت لەژیانی خۆم
ژیان: هونەرمەندێكی كورد هەیە خەونت ئەوە بێت ئاكتینی لەگەڵدا بكەیت؟
هەردێ سەمیر: خاتو ژیان ابراھیم خەیات ئەو كەسەیە كەبەردەوام حەزئەكەم كاری لەگەڵ بكەم
ژیان: دوایین پڕۆژەی هونەریت چییە؟
هەردێ سەمیر: لەم بارودۆخەی ئێستادا بەھۆی ھەبوونی ئەم ھەموو قەیرانە قورسە ناوی پڕۆژە و كار ئاشكرابكەی.. بەڵام تەنھا ئەوە ئەڵێم بەنیازی كارێكم لەسەر جینۆساید، هەروەها كاری نواندن دەكەم لە كورتە فیلمێكی نوێدا كە هونەرمەند (كەریمۆك) كاری دەرهێنانی بۆ دەكات.