ڕۆژنامەی ئیندیپێندنتی بەریتانی بڵاویکردەوە، لە کاتێکدایە (ئیف ئادەمز) سەرقاڵی وێنەگرتنی پەنگوینەکانی دورگەیەکی باشوری زەریای ئەتڵەسی بووە، لە ناکاو چاوی چووەتە سەر پەنگوینیکی رەنگ جیاواز و لە ناو هەزاران پەنگوینی ناوچەکەدا دیاربووە بە رەنگە سەرسوڕهێنەرەکەی.

ئادەمز بە ڕۆژنامەکەی ڕایگەیاندووە، تا ئێستا بە هیچ شێوەیەک پەنگوینی لەو ڕەنگەی نەدیووە و لە کەسیشەوە نەیبیستووە کە لەو جۆرە رەنگە هەبێت.

ئاماژەی بەوەشکردووە، لەناو ١٢٠ هەزار پەنگوینی دورگەکە ئەو پەنگوینە رەنگە زەردە تاک بووە لەناویاندا.

ئادامز و تیکەکەی ماوەی دوو مانگ بووە لە ناوچەکە سەرقاڵی گەشتێکی تایبەت بوون لەسەر پەنگوینەکانی دورگەی جۆرجیا لە ناو زەریای ئەتلەسی و لە گەشتەکەیاندا ئەو پەنگوینەیان بەرچاو کەوتووەز

روونیشیکردووەتەوە، هەموویان ئاسایی بوون تەنها ئەو دانەیەیان نەبێت، کە بەڕاستی شتێکی جیاواز و ناوازە بووە و بینینی بۆ ئەوانیش تاقیکردنەویەکی جیاواز بووە و سەرەتا زۆر جێگەی باوەڕ نەبووە.

جەختیشیکردوووەتەوە، خۆی و تیمەکەی بە خۆشبەخت دەزانێت، چونکە بینینەوەی پەنگوینێکی لەو شێوەیە لە ناو سەدان هەزار پەنگویندا کارێکی ئاسان نییە، بەڵام لەو کاتەی کە هاتووەتە بەرچاوویان پەنگوینی زۆر لە ناوچەکە نەبووە و دەوروبەری چۆڵ بووە و ئەو هەلەیان بۆ ڕەخساوە,.

دوای بینی وێنەکان زاناکانی زیندەوەرزانی پێیان وایە گۆڕانکاری لە پەڕی ئەو پەنگوینەدا بەهۆی بازادانێکی جینەکانەوە دروستبووە و بە دۆزینەوەیەکی زانستی نوێش دادەنرێت لە ناسینی جیهانی پەنگوینەکانداز