توڕەییم کۆدەکەمەوە بەم شارەی دەرئەکەم .
شارێک
کە مناڵیمان دۆڕاندا
گەنجێتیمان بەڕاکردن
لەدەست سەگ و پۆلیسەکانی تێپەڕی
ئایندەمان لەبارچوو بە درووشم .
لەناوەوەی من شارێکی تر هەیە
شارێک کەس بەکەسی تر ناڵێ گێل .
مامۆستا نیە فیتەریش بکات .
سیاسی وسەرسەری و سامان ناوی تیانیە
کەس کرێچی نیە .!
ماتۆڕچی دەنگ ناخۆش
نەخۆشی قۆڵۆن ومایسری تیانییە .
ئەنتەرنێت و وای فای تیانیە .
شارێک توڕەبوون و تۆرانی ژن و مێردی تیانیە .
کەس مۆبایلەکەی پاسۆردی لەسەرنییە .
خوێنەری ساختە و سێڵفی و سناپی تیانییە
شارێک لەناو سەرم دایە .
پۆلیسەکان دەیانەوێ سەرم بتەقێنن
بە فیشەکێ .!
سیاسیەکان دەیانەوێ سەرم کاس کەن
بە قەحپەکانی سەرۆک
مەلاکان دەیانەوێ سەرم سوژنڕێژکەن
بەحەرامەکانی کۆمەڵگە .
دایکان و باوکان دەیانەوێ سەرم سڕکەن
بە خوازبێنی کردنی ژنێک .
ژنێک کە هێزی لەلاوازیەکانیەتی .
هێزی لەتەڕاییەکانی وەک
تەڕایی ناوگەڵی.. و تەڕایی گلێنەی ..
بانگێشتی تۆئەکەم بێی بۆئەو شارە
کە حەسەنی پیزۆ گوڵاوی ، پارێزگارەو
غەزەلنوس قائیم قام و مەجەلانی خەیاڵ
مودیری شارەوانی وتریفە یابەحریش ڕابەریەتی .
وەرە جانێ وەرە لەودیوی شاشەوە
خۆشتمدەوێ ..
وەرە تا سانسۆرنەکراوەتە سەرئەڤین .
وەرە تا ئەم شەقامانە نوستوون .
ئاخر ئەم شۆستانە تەنها قەپاڵ دەگرن .
من مرۆڤ نیم من کێشەم .!
ڕقم لەکاری ڕۆژانەیە .
هیچ پلانێکم نییە .
چونک پێم وایە پلان واتەقوڕمیشبوون .
قەڵس ئەبم بەهەموو زەبت وڕەبتێک .
ئەم شارە خنکاوە کێ لێی دەپرسێتەوە ؟ها
شاعیرەکان کە چاکەت و پانتۆڵ دەپۆشن .
ڕۆشنبیرەکان کە سیمبولیان سەکسۆکەیە .
دکتۆرەکان کە شاگردی ئیزڕائیلن .
دایکەکان کە موتەبعەی مودەبلجی تورکی ئەکەن .
گەنجەکان کە مودمنی سایتەپۆڕنۆکان بوون .
گشت ئایدۆلۆژیەکانتانم بگێم .
ئەم سەردەمی شاشەیە
هەمووتانی کرد بەگەواد .
لێم مەپرسە چۆن ؟
چۆنی ناوێ و تەواووو ..
تەواو کەس بیر لە ئاودانی
گوڵەکانی حەوشەناکاتەوە .
لێم مەپرسە چۆن؟
چونکە ئەوها پیلانەکەم ئاشکرادەبێ
پیلانی تێکدانی پلانی ژیانی ئێوە !
ئێوەی ڕۆبۆت کەمناڵە ناشەرعیەکەی
سەرمایەداری وسیاستن .!
لێم مەپرسە چۆن ؟
خۆشتم دەوێ ئاخر خۆشەویستی باس ناکرێ
پێشان ئەدرێ .
وەرە شارەکەی منەوە با تامی عەشق بکەیت .
چیدی لەم شارە کەس عاشق نابێت .
نامەنوسین و بێداری شەوان مۆدێلی نەماوە
ئینتەرنێت ئابڕووی بۆعەشق نەهێشتەوە .
من مرۆڤی ڕۆژگارێک بووم
شەرممان لەبرینەکانمان ئەکرد
بەیەکێک بڵێین خۆشمدەوێی .
کەچی هەنووکە چاتێک پێی دەڵێ
دایکەنە ..
خۆشەویستی بەوای فای
تەنها تێخە و لێخەیە
تەنها تۆی لێ بەرهەم دێیت
تۆ هەی ڕۆبۆت هەی مناڵەزۆڵەکەی کەپیتاڵیزم ..
لێت ناپرسم کەی دێی ؟
تۆش لێم مەپرسە چۆن؟
چۆن باسی شارەکەمت بۆکەم
دەترسم شاعیرێکی پانتۆڵ تەسک
یا موزیعێکی بێتام یا کەناڵی نێت تیڤی
بیرۆکەکەم بدزن و قەشمەری کەن .
بۆیە هیچت بۆ باس ناکەم
تۆش لێم مەپرسە؟ مەپرسە
بۆچی ؟ چۆن و چی ؟
تەنها وەرە
لێم مەپرسە مەترسە مەنازە .
ئاخر ووتم من مرۆڤ نیم من کێشەم .
شارەکەی منیش شاری کێشەیە .
پیلانێکم هەیە دەمەوێ دایکی دنیابگێم بەکێشە .!
بەس لێم مەپرسە چۆن ؟
تەنها وەرە دەزانی چۆن ؟
وای فایەکەت بکوژێنەوە ...
ڕستەقۆڕەکانی کتێبی گەشەی مرۆییش لەمێشکت فڕێدا .
لەوقاوغەئارایشتکراوەش دەرچۆ .
پاشان وەرە شارەکەی من
شاری کێشەکان ...