رێکخراوی مافی مرۆڤی هەنگاو بڵاویکردووەتەوە، بۆ یەکەمجار توانیویەتی لیستەیەک لەو ژنە بەندکراوانەی زیندانی ورمێ بەدەستبهێنێت کە سزای لەسێدارەدانیان بە سەردا سەپێندراوە.

ئاماژەی بەوەشکردووە، لەئێستادا ١٢ ژن بە تۆمەتی "کوشتنی بە ئەنقەست" لە بەندی ژنانی زیندانی ورمێ ڕاگیراون و چاوەڕێی جێبەجێکردنی سزاکەیان دەکەن .

هەنگاو ناسنامەی ئەو ١٢ ئافرەتەی کە سزای لەسێدارەیان بە سەردا سەپێندراوە، بەم شێوەیەی خوارەوە بڵاوکردووەتەوە:

١ _ موحێبەت مەحمودی، خەڵکی ورمێ

٢ _ زەهرا فەرهادی، خەڵکی ورمێ

٣ _ پەریسا مورادی، خەڵکی بۆکان

٤ _ نیشتمان محەمەدی، خەڵکی سەردەشت

٥ _ گوڵزار ئەحمەدییان، خەڵکی سەردەشت

٦ _ فەرانەک بەهەشتی، خەڵکی تکاب

٧ _ سوهەیلا نێعمەت زادە، خەڵکی میاندواو

٨ _ موژگان عەبدوڵاهی، خەڵکی مهاباد

٩ _ زەینەب خالید، خەڵکی سەردەشت

١٠ _ موژگان ئازەرپیشە، خەڵکی ورمێ

١١ _ تەهمینە دانش، خەڵکی خۆی

١٢_ زیبا ( ناوبانگ نادیار)، خەڵکی بۆکان

ئەوەش لەکاتێکدایە، دوێنێ یەکشەممە ٤ی٤ی٢٠٢١، شەش کەس بەتۆمەتی بازرگانیکردن بە ماددە هۆشبەرەکان لە زیندانی ورمێ لە رۆژهەڵاتی کوردستان، لەسێدارەدران.