بڕیارە سبەینێ مەکتەبی سیاسی پارتی و یەکێتی لە شاری سلێمانی لە دەباشان سەبارەت بە پرسی کەرکوک و هەڵبژاردن کۆببنەوە
بەپێی زانیارییەکان کۆبوونەوەکە لە دەباشان دەبێت و فازڵ میرانی بەرپرسی دەستەی کارگێری مەکتەبی سیاسی پارتی سەرۆکایەتی وەفدی پارتی دەکات و بافڵ جەلال تاڵەبانی سەرۆکایەتی وەفدی یەکێتی دەکات.
کۆبوونەوەکە تایبەت دەبێت بە پرسی هەڵبژاردنی پەرلەمانی کوردستان و پێکهێنانی حکومەتی خۆجێیی لە کەرکوک و نەینەوا.