دوای ئەوەی بۆ دووەم مانگ لەسەریەك حكومەتی هەرێم بڕیاریدا موچە بە لێبڕینی 21%ی فەرمانبەران دابەشبكات، بەشێك لە فەرمانبەران و مامۆستایان گەرمیان گردبوونەوە.
بەشداربووانی گردبوونەوەكە راشیانگەیاند رۆژانی داهاتووش بەردەوام دەبن لە ناڕەزایی دەربڕین، ئاماژەیان بەوەكرد چیتر خەڵك پێویستە داوای موچە نەكات و داوای رۆشتن و گۆڕانكاری دەسەڵاتدارانی هەرێم بكات.
ئەوان ئاماژەیان بەوەكرد هیوایان بە چاكسازی نەماوە و حكومەت مەبەستی نیە چاكسازی بكات، ئەوەشیان راگەیاند هیچ لایەنێكی سیاسی خاوەنی ئەو ناڕەزایی دەربڕینانە نیە كە ئەنجامیانداوە و قبوڵیان نیە هیچ كەسێك دەستێوەردان بكات لە خۆپیاشاندانەكان.