وەزارەتی دارایی هەرێم لیستی موچەی سەرجەم وەزارەت و دەستەکانی ڕاگەیاند و بەپێی لیستەکە هەتا رۆژی دووشەممەی داهاتوو موچەی سەرجەم فەرمانبەران دابەش دەکرێت.
بەپێی لیستەکە سبەینێ دیوان و لیواکانی وەزارەتی پێشمەرگە و یەکەی حەفتا و هەشتا و وەزارەتی ناوخۆ و فەرماندەیی زێرەڤانی و بەرگری و فریاکەوتن و وەزارەتی دارایی دابەش دەکرێت.
هەروەها رۆژی پێنج شەممە وەزارەتی شەهیدان و کەسوکاری شەهیدان و ئەنجومەنی ئاسایش و دەزگای ئاسایش و وەزارەتی پەروەردە دابەش دەکرێت.
رۆژی هەینی موچەی وەزارەتەکانی کاروباری کۆمەڵایەتی و کەمئەندامان و وەزارەتی داد و ئەنجومەنی دادوەری و سامانە سروشتیەکان و ئەوقاف و پلاندانان و پیشەسازی و بازرگانی و گواستنەوە و گەیاندن و دیوانی چاودێری دارایی و دەستەکانی مافی مرۆڤ و هەڵبژاردن و ناوچەکانی دەرەوەی هەرێم و دەستپاکی و دەزگای مین و وەزارەتی خوێندنی باڵا دابەش دەکرێت.
هاوکات رۆژی شەمەش موچەی وەزارەتەکانی شارەوانی و گەشتوگوزار و کشتوکاڵ و رۆشنبیری و ئاوەدانکردنەوە و سەرۆکایەتی هەرێم و پەرلەمان و ئەنجومەنی وەزیران دابەش دەکرێت.
رۆژی یەکشەممەی داهاتووش موچەی خانەنشینی پێشمەرگە و رۆژی دووشەممەش موچەی خانەنشینی شارستانی دابەش دەکرێت.
