سۆرانی  |  بادینی  |  English      

پەنا بردن بۆ چەک

عەبدولڕەحمان موهەندیس

ئەندامی ئەنجومەنی پارێزگای هەولێر
  18/07/2021  |    3346 جار خوێندراوەتەوە

سەردەمی کاک نەوشێروان ئاڕاستەیەکی ناو یەکێتی هێزی چەکداریان لەدژیدا جوڵاند، بەڵام لەبەر پێگە و جەماوەری کاک نەوشێروان و وەستانەوەی ئاڕاستەیەکی دیکەی ناو یەکێتی دژی لەشکرکێشیەکە، شکستیان هێنا و پێگەی کاک نەوشێروانیش بەهێزتر بوو .

ئێستاش وایدەبینم بەکارهێنانی هێزی چەکدار بۆ ئاوتکردنی شێخ لاهوری هاوسەرۆکی یەکێتی، کە بە زۆرینەی دەنگی یەکێتیەکان گەیشتوە بەو پلەیە، واقیع حالێکە کاریگەری جددی دەبێت :

۱ـ لادانی شێخ لاهور لەبەڕێوەبردنی یەکێتی، حەتمەن یەکێتی بەرەو دابەش و لاواز بوون دەبات، ڕەنگدانەوەی سەلبیشی دەبێت لەسەر ئەنجامەکانی هەڵبژاردنی داهاتوودا .

۲ـ شێخ لاهور لەو چەند ڕۆژەی ڕابردودا سیاسیانە هەڵسوکەوتی کرد، وەک پەرچەکردار پەنای بۆ چەک نەبرد لە وەڵامی جوڵە چەکداریەکەکانی بەرامبەرەکەیدا، لەجیاتی ئەوە داوای پیادەکردنی پەیڕەوی ناوخۆ و گەڕانەوە بۆ شەرعیەت و پرەنسیپی حزبی دەکات .

۳ـ هاوپەیمانی کوردستانی نێوان گۆڕان و یەکێتی بۆ هەڵبژاردنی داهاتو، ڕۆل و کاریگەری لاواز دەبێت .

٤ـ زەمینە و دەرفەتی گونجاو دەڕەخسێت بۆ دروست بوونی هێزێکی سیاسی دیکە لە هەرێمی کوردستاندا .

خودا دەفەرموێت :

(وَ عَسَی أنْ تَکْرَهُوا شَیئاً وَ هُوَ خَیْرٌ لَکُم وَ عَسی أنْ تُحِبُّوا شیئاً و هُوَ شَرٌّ لَکُم(


زیاتر