سەرۆکایەتیی هه‌رێمى كوردستان بڵاویکردەوە، نێچيرڤان بارزانی، سه‌رۆكى هه‌رێمی كوردستان، له ديدارێكدا له‌گه‌ڵ زافه‌ر سراكايا، جێگرى سه‌رۆكى پارتى داد و گه‌شه‌پێدانى ده‌سه‌ڵاتدارى توركيا بۆ كاروبارى ده‌ره‌وه، په‌يوه‌ندييه‌كانى هه‌رێمى كوردستان و عێراق له‌گه‌ڵ توركيا و دۆخى ناوچه‌كه‌يان تاوتوێ كرد.
ئاماژ بەوەشکراوە، هه‌ردوولا جه‌ختيان له گرنگيى په‌يوه‌ندييه‌كانى نێوانيان و هاريكاريى هاوبه‌شيان له بواره جياكاندا كرده‌وه كه خزمه‌ت به به‌رژه‌وه‌نديى هه‌ردوولا و پاراستنى ئارامى و سه‌قامگيرى له ناوچه‌كه‌دا ده‌كات.
نێچيرڤان بارزانى دووپاتى كرده‌وه هه‌رێمى كوردستان وه‌ك دراوسێيه‌كى گرنگ له توركيا ده‌ڕوانێت كه به‌رژه‌وه‌نديى هاوبه‌ش و درێژخايه‌ن كۆيانده‌كاته‌وه، هه‌روه‌ها سوپاس و پێزانينى بۆ ڕۆڵى ئه‌ردۆغان و ئاك پارتى له پته‌وكردنى په‌يوه‌ندييه‌كانى توركيا له‌گه‌ڵ عێراق و هه‌رێمى كوردستاندا ده‌ربڕى.
لاى خۆيه‌وه سراكايا وێڕاى نيشاندانى خواستى به‌رده‌وامى توركيا بۆ فراوانكردنى په‌يوه‌ندييه‌كانى له‌گه‌ڵ عێراق و هه‌رێمى كوردستان له هه‌موو بواره‌كاندا، ستايشى په‌يوه‌ندى و دۆستايه‌تيى نێچيرڤان بارزانی له‌گه‌ڵ توركيا و ڕۆڵى ئه‌رێنيى به‌ڕێزيان له‌سه‌ر ئاستى ناوچه‌كه كرد.
پرۆسه‌ى ئاشتى له توركيا و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى ديداره‌كه بوو.