بەڕێوەبەرایەتی ئاسایشی پارێزگای سلێمانی، چوار تۆمەتباری هەڵاتوو لەیاسای لەیەکێک لە هۆتێلەکانی شاری سلێمانی دەستگیرکرد کە بەمەبەستی خۆحەشاردان ڕوویان لەسلێمانی کردبوو.
ئاسایشی پارێزگای سلێمانی له‌ڕاگه‌یه‌ندراوێكدا بڵاویكرده‌وه، تۆمەتباران لەساڵی 2024 لەپارێزگای دهۆک لەسەر کێشەی کۆمەڵایەتی هاوڵاتییەکیان کوشتووە و هەڵاتوون، بەڕێوەبەرایەتی ئاسایشی پارێزگای سلێمانی، لە 2025/8/19 دوای چاودێری و بەدواداچوون و کۆکردنەوەی زانیاری، بەبڕیاری دادوەری لێکۆڵینەوەی ئاسایش توانیان هەر چوار تۆمەتبار دەستگیربکەن.
لەئێستادا تۆمەتباران بە ماددەی 406 لەیاسای سزادانی عێراقی ڕاگیراون و بەپێی تایبەتمەندی کەیسەکەیان، ڕادەستی بەڕێوەبەرایەتی پۆلیسی پارێزگای دهۆک دەکرێنەوە.