شاندی ئیمڕاڵی، دوای گەڕانەوەیان لە دیداری ئۆجەلان پەیامێکیان بڵاوکردەوە و ڕایانگەیاند، "ئۆجەلان تەندروستیی باش بووە و ورەیەکی بەرزی هەبووە".
شاندەکە پێکهاتبوون لە پەروین بوڵدان، فایەق ئوزگور و میدحەت سانجار، بۆ ماوەی سێ کاتژمێر لەگەڵ ئۆجەلان کۆبونەوە و لە راگەیەندراوێکدا بەناوی شاندی ئیمراڵییەوە بڵاویان کردەوە، له میانی دیداره‌كه‌دا هه‌ڵسه‌نگاندنێكی هه‌مه‌لایه‌نه‌ی بۆ قۆناغه‌كانی پڕۆسه‌ی ئاشتی و كۆمه‌ڵگه‌ی دیموكراسی و پێشكه‌وتنه‌كان كرد.
بەگوێرەی راگه‌یه‌ندراوه‌كه، ئۆجه‌لان باسی له‌وه‌كردوه، "ئه‌و كێشانه‌ی كه رووبه‌روومان ده‌بنه‌وه، پێویستیان به ده‌ستوه‌ردانی جددی و هه‌ستیار هه‌یه بۆ كۆتایهێنانی، هه‌ر به‌و هه‌ستیارییه‌شه‌وه پڕۆسه‌كه‌یان گه‌یاندوه‌ته ئه‌مڕۆ، ئامانجمان ئه‌وه‌یه هه‌مو هه‌وڵێك بخه‌ینه‌گه‌ڕ بۆ كۆتاییهێنان به‌م پرۆسه به ئازاره".
ئۆجه‌لان ئاماژەی بەوەشکردووە، "كۆمه‌ڵگه‌یه‌كی دیموكراسی و ئاشتی و یەکگرتن، سێ چه‌مكی بنه‌ڕه‌تی ئه‌م پرۆسه‌یه‌ن و له‌سه‌ر ئه‌م بنه‌مایه ده‌توانرێت بگاته ئه‌نجام، بۆیه پێویسته قۆناغێكی نوێ بێته‌ئاراوه و تێیدا هه‌نگاوی به‌په‌له بنرێت له هه‌موو ره‌هه‌نده‌كانیه‌وه.
به‌پێی راگه‌یه‌ندراوه‌كه، جارێكی دیكه ئۆجه‌لان باوه‌ڕی تەواوی خۆی به دۆستایه‌تی و ئاشتی هه‌میشه‌یی له نێوان گه‌لاندا ده‌ربڕیوه.