وەزیری دەرەوەی تورکیا رایدەگەیەنێت، "چەندین لایەنی کوردی لە سوریا هەن کە دۆستی تورکیان، و دەیانەوێت هەماهەنگی لەگەڵ ئێمە بکەن''.
هاکان فیدان، وەزیری دەرەوەی تورکیا لە بەرنامەیەکی تەلەفزیۆنیدا ڕاگەیاند، "لە سوریا تەنیا یەپەگە نییە، لەوێ ئەنجومەنی نیشتمانیی کوردی 'ئەنەکەسە' هەیە. چەندین پارتی کوردی هەن کە دۆستی تورکیان و دەیانەوێت هەماهەنگی لەگەڵ ئێمە بکەن''.
فیدان ئاماژەی بەوەشکرد، دوای لێدوانەکەی ڕەجەب تەیب ئەردۆغان، سەرۆک کۆماری تورکیا کە وتی، "ئەوانەی روویان لە ئەنقەرە و دیمەشق بێ، سەردەکەون". بەشێک لە ئەندامانی ئەنەکەسە پەیوەندییان بە بەرپرسانی تورکیاوە کرد و داوای هاوکارییان لە تورکیا کرد.
وەزیری دەرەوەی تورکیا وتیشی، ئەگەر دوژمنایەتیمان نەکرێت، ئێمەش دوژمنایەتی هیچ لایەنێک ناکەین، بەڵام کاتێک مەترسی لەسەر سنوورەکانمان دروست بوو، ئێمە دەستوەردان دەکەین.