فەرماندەی بنکەی ئاسمانی بەلەد ڕایگەیاند، ئەمشەو بە موشەکی کاتیۆشا هێرشکراوەتە سەر بنکەکە و لە ئەنجامدا دوو کەس لە هێزە ئەمنییەکان بریندار بوون.
زیاء موحسین فەرماندەی بنکەی ئاسمانی بەلەد لە پارێزگای سەلاحەدین بە ئاژانسی هەواڵی نیشتیمانی عێراقی ڕاگەیاندووە، دوو موشەک لە بنکەی ئاسمانی بەلەد کەوتوونەتەوە و بەهۆیەوە دوو ئەندامی هێزە ئەمنییەکان لە ناو بنکە ئاسمانیەکەدا بریندار بوون.
ئاماژەی بەوەشکرد، یەکێک لە بریندارەکان برینکەی سەختە و ئەویتریان برینکەی سوکە، هێرشەکەش هیچ زیانێکی مادی بە ناوخۆیی بنکە ئاسمانییەکە نەگایاندووە، چونکە لە ناوچەیەکی گڵدا کەوتوونەتەوە.