لە سنوری سەقز نزیكەی 80 سانتیمەتر بەفر باریوە

  2020-11-27  | 
 تۆڕی هەواڵی ژیان
سەرۆكی ئیدارەی ڕێگاوبانی سەقز ڕایگەیاند، لە هەندێك ناوچەی شاری سەقز لە رۆژهەڵاتی كوردستان نزیكەی 80 سانتیمەتر بەفر باریوە.


مەحموود ڕۆحانی زادە، سەرۆكی ئیدارەی ڕێگاوبان و گواستنەوەی سەقز بە میدیاكانی حكومەتی ئێرانی رایگەیاند، بارینی بەفری قورس بووەتە هۆی داخرانی ملەی مەحمودئاوا، بارینی بەفرێكی بەوشێوەیەش دوور لە چاوەڕوانی بوو. 

ئەو ویتشی: بارینی بەفر لە هەندێك ناوچەكان گەیشتووەتە 80 سانتیمەتر ئێستاش پێنج گرووپی ڕێگاوبان لە سەر ڕێگا سەرەكییەكانی شارەكانی سەقز، دیواندەرە، بانە، بۆكان، مەریوان و تكاب خەریكی پاك كردنەوەی رێگاكانن. 

ئەوەشی روونكردەوە بەهۆی زۆری بەفربارینەكەوە ڕێگاكانی سەقزو دیواندەرە، سەقزو بانە هاتووچۆ تووشی كێشە بووە و لەو دوو ڕێگایە هاتووچۆ زۆر ئەستەمە.