کوردی  |  English            

بەهۆی ژێرئاوكەوتنی بەلەمێك 43 كۆچبەر گیانیان لەدەستدا

  2021-01-21  | 
بەهۆی ژێرئاوكەوتنی بەلەمێك ٤٣ كۆچبەر گیانیان لەدەستدا
ئەرشیڤ
جیهانی
 تۆڕی هەواڵی ژیان
ئاژانسی کۆچبەرانی سەر بە ڕێکخراوی نەتەوەیەکگرتوەکان رایگەیاند، بەهۆی ژێرئاوكەوتنی بەلەمێك لە كەناراوەكانی لیبیا، ٤٣ كۆچبەری نایاسایی گیانیان لەدەستداوە.

بەپێی راپۆرتێکی ئاژانسی کۆچبەرانی سەر بە ڕێکخراوی نەتەوەیەکگرتوەکان، بەلەمێکی هەڵگری كۆچبەران، لەنزیك كەناراوەكانی لیبیا ژێرئاوكەوتووە و لە ئاکامدا ٤٣ كەس گیانیان لە دەستداوە و ١٠ كۆچبەری تریش ڕزگار كراون.

ئاماژە بەوەشکراوە، بەلەمەكە ڕۆژی سێشەممەی ڕابردوو لە شاری زاویە لە خۆرئاوای تەرابلوس بەرەو سنوورەكانی ئیتاڵیا بەڕێكەوتووە و بەهۆی خراپی كەشوهەوا، بزوێنەرەكەی لەكاركەوتووە.

پێشتر ئاژانسی کۆچبەرانی سەر بە ڕێکخراوی نەتەوەیەکگرتوەکان بڵاویکردبووەوە کە، لە ساڵی ٢٠٢٠دا، زیاتر لە هەزار و ٢٠٠ كۆچبەری نایاسایی لە دەریای ناوەڕاستدا گیانیان لەدەستداوە.