سۆرانی  |  بادینی  |  English      

هێرشی ئەلیکترۆنی کرایە سەر زیاتر لە 200 کۆمپانیای ئەمریکی

  2021-07-03  | 
 تۆڕی هەواڵی ژیان
ژمارەیەک هاککەری نزیک لە ڕوسیا هێرشێکى فراوانی ئەلیکترۆنیان کردووەتە سەر سەدان کۆمپانیا و دەزگای ئەمریکی و زیانێکی زۆریان لێداون.

 ماڵپەری بلومبێرگ بڵاویکردەوە، هێرشەکەی ئەو هاککەرە ڕوسییانە زیاتر ئەو کۆمپانیایانەی کردووەتە ئامانج کە خزمەتگوزاری بۆ کۆمپانیا ناوەنجی و بچووکەکان دابیندەکەن .

ئەوەشی ڕاگەیاندووە، ئەو  هاککەرانە لە رێگەى هێرشەکانەوە گەیشتوونەتە ناو کۆمپیتەری تایبەتی کارمەندەکانی ئەو کۆمپانیایانەوە و زانیاری نهێنیان بردووە .

دیارترین ئەو  دوو کۆمپانیایەی کراونەتە ئامانج هەر دوو کۆمپانیای سینکس و ئەفیتۆکس بوون کە  لە ئەمریکا ناوبانگیان هەیە و بەڕێوەبەری جێبەجێکاری کۆمپانیاکەش دانی بە هێرشەکەدا ناوە.

ئەم هێرشەش لەکاتێکدایە لە کۆبوونەوەی لوتکەی ئەم دواییەی نێوان جۆبایدن و پۆتین باس لە هێرشە ئەلیکترۆنییانە کرا و  بایدن لەو بارەوە هۆشداری دابووە ڕوسیا.

لەماوەی ڕابردووش لەلایەن هاککەرە ڕووسییەکانەوە چەندین هێرشی ئەلیکترۆنی کراونەتە سەر دام ودەزگا ئەمریکییەکان و ئەمەش زیانی زۆری پێگەیاندوون.