وەزارەتی پێشمەرگەی هەرێمی کوردستان لەسەر دواکەوتنی مووچەی لیوا هاوبەشەکان هاتە دەنگ و رایگەیاند، دوو رۆژیتر دەست بەدابەشکردنی مووچەی لیوا هاوبەشەکان دەکرێت
وەزارەتی پێشمەرگە لە راگەیەندراوێکدا بڵاویکردەوە: "بەهۆی هاتنی جەژنی سەری ساڵی زایینی و کریسمس و رۆژەکانی پشووی ئەم بۆنەیە، دابەش کردنی مووچەی لیواکانی پیادەی وەزارەتی پێشمەرگە دواکەوت".
لەسەر کاتی دابشکردنی مووچەی لیوا هاوبەشەکان وەزارەتی پێشمەرگە دەڵێت: " لە رۆژی ٩ی ١ دەست دەکرێت بە دابەش کردنی مووچەی لیواکانی پیادەی وەزارەتی پێشمەرگە".
مانگانە حکومەتی ئەمریکا بوودجەی لیوا هاوبەشەکانی وەزارەتی پێشمەرگە دابین دەکات، بەهۆی سەری ساڵەوە مووچەی مانگی دوانزەی هێزەکە دواکەوتوە.