دابەشکردنی مووچەی مانگی تەمموزی فەرمانبەرانی هەرێمی کوردستان بەردەوامی هەیە و ئەمڕۆ و سبەینێ مووچەی شوێنێک دابەشدەکرێت.
بە پێی خشتەی وەزارەتی دارایی، ئەمڕۆ ١ی ١٠ی ٢٠٢٣ ، مووچەی مانگی حەوتی وەزارەتی کار و کاروباری کۆمەڵایەتی و خاوەن پێداویستی تایبەت دابەش دەکرێت.
هەر بەپێی خشتەی دابەشکردنی مووچە، سبەی دووشەممە مووچەی وەزارەتی داد و وەزارەتی ئەوقاف و کاروباری ئاینی و ئەنجومەنی دادوەری دابەشدەکرێت.
دابەشکردنی مووچەی مانگی تەمموز لە کاتێکدایە کە حکومەتی عێراق مووچەی مانگی تشرینی یەکەم دابەشدەکات.