نوسینگەی جەوهەر ئاغای هەرکی ڕوونکردنەوەیەکی بڵاوکردەوە و تیایدا هاتووە، تۆمەت و چەواشەکاریەکانی دەزگای پاراستنی پارتی ناتوانێت ڕووی ڕەشی خیانەتەکانیان و فرۆشتنی خاک و کوشتنی ڕۆڵەی کورد سپی بکەنەوە، هەر لێرەوە پێیان دەلێین بە ئەشکەنجەدان و ئازاردانی تاکی کورد و هێنانیان بۆ سەر شاشەی تەلەفیزیۆن و هەڵبەستنی درۆ و بوختان، ناتوانن بڕوا بە خەڵکی کوردستان بهێنن، چونکە گەلی کورد ئاشنا و شارەزای پیلان و درۆکانیانە.
دەقی ڕوونکردنەوەکە..
سەبارەت بە درۆ و ناڕاستی دەزگا بەدناوەکەی پاراستنی پارتی، لێرەوە سەرلەبەری ئەو تۆمەت و چەواشەکاریانە ڕەت دەکەینەوە و ڕایدەگەیەنین، تۆمەت و چەواشەکاریەکانی دەزگای پاراستنی پارتی ناتوانێت ڕووی ڕەشی خیانەتەکانیان و فرۆشتنی خاک و کوشتنی ڕۆڵەی کورد سپی بکەنەوە، هەر لێرەوە پێیان دەلێین بە ئەشکەنجەدان و ئازاردانی تاکی کورد و هێنانیان بۆ سەر شاشەی تەلەفیزیۆن و هەڵبەستنی درۆ و بوختان، ناتوانن بڕوا بە خەڵکی کوردستان بهێنن، چونکە گەلی کورد ئاشنا و شارەزای پیلان و درۆکانیانە.
هەر لێرەوە بەخەلکی کوردستان ڕادەگەیەنین، کە سەرانی ئێوەن دامودەزگاکانی دەوڵەت بە بەرژەوەندی خۆتان و کوڕ و نەوەی نەوەکانتان بەکاردەهێنن هەرکاتێک ترستان لێ بنیشێت.
مێژوی ئێمەش شاهیدی دەدات، لەدەست پێکی شەڕی داعش ئێمە و ڕۆڵەی هەرکیان بوین بەگیانی خۆمان بەرگریمان لەدام و دەزگاکانی دەولەت کرد ، ئێوەش بێ شەرمانە لەبەردەم تیڤی دەتان گوت "ڕاکردنیش دەبێت".
داوا لە رێکخراوە نێودەوڵەتی و ناوخۆییەکان دەکەین بۆ ڕاستی و دروستی درۆکانی دەزگای پاراستن داوای بەڵگەی پێویست بکەن نەک باوەڕ بە چەواشەکاریەکانیان بکەن ، هەردادگایەکی نیودەوڵەتی بێلایەن هەبێت ئامادەین بێینە دادگا با هەموو خەلکی کوردستان بزانێت کێ لەسەر حەقە، هەموو جیهانیش بزانێت کە هێنانە سەرشاشەی گەنجێکی هەرکی و ئەوەی ناچارکراوە بیڵێت، هیچ ئەسڵ و ئەساسێکی نییە.
هەموو لایەکیش دلنیا دەکەینەوە کە ئەم بابەتەی دەزگای پاراستن بۆ ناکۆکی زیاتر نێو ماڵی هەرکیانە .
سەرکەوتن بۆ ئیرادەی هەرکیان
چیایی چارچەل هیچ کات نزم نابێت و هەر بەبەرزی دەمێنێتەوە
شەرمەزاری بۆ ناحەزانی هەرکی و هەرکیاتی
نوسینگەی سەروک مەرجەعی هەرکیان
جەوهەرمحی الدین ئاغاهەرکی