ئاماژەی بەوەشداوە، وزە، زەوی کشتوکاڵیی و بەرهەمە خۆراکییەکان، ئاوو ژینگە، سەرچاوەکانی کەرەستەی خاو، دەست و هێزی کرێکار، بەرهەم و بازاڕ، چەکی عەمبارکراو، چەکە ئەتۆمیی و کۆکوژەکان، ڕێڕەوی نوێی بازرگانیی؛ لە زۆربەی زۆری ئەم جیهانەدا؛ لە قەیراندان.

باسی لەوەشکردوە، هەموو ئەمانە بۆ جیهان؛ هەڕەشەن، لە کوردستاندا؛ دەرفەتن، تەنها ئەگەر یەکبونێکی نیشتمانیی و سەرێکی کۆکەرەوەو بیرێکی وردو تیژو دورو ژیرو ئەزمونمەند؛ هەبێت و، بەرنامەو ڕۆژەڤ وستراتیژێکی یەکگرتووی نیشتمانیی کوردستانیی هەبێت و، خۆمان تێکەڵی ئەجێنداو پیلان و ململانێ و شەڕە ناوچەیی و نێودەڵەتییەکان نەکەین، ئاگرەکە نامانسوتێنێت و پارێزراودەبین و لە بەشێک لە پاشکۆی کێشەکانەوە، دەبین بەسەرچاوەی چارەسەر.

پارێزگاری سلێمانی  جەختلەسەر ئەوەدەکاتەوە، تکایە ئەمجارەیش؛ میرو گوزیر بە نگینی موڵکی سلێمانی و کوردستانەوە مەکەن؛ قەدری بزانن، ئەم هەموو جەژن و یادو شین و شادییانە بکەن بەدەرفەتی ئاشتیی و یەکبونی نیشتمانیی و هەر برینێک کە لە دڵدایە؛ ساڕێژی بکەن.