فڕۆکەکانی تورکیا سنورەکانی ئامێدی بۆردومان دەکەن

  2020-09-17  | 
 مازن شنگالی
کەمێک پێش ئێستا فڕۆکە جەنگیەکانی تورکیا بۆردومانی گوندەکانی سنوری قەزای ئامێدیان کرد و ئاگر لە شوێنەکە کەوتەوە.

سەرچاوەیەک بە (تۆڕی هەواڵی ژیان)ی ڕاگەیاند بوردومانەکە لە گوندی کێستەی ناحیەی کانی ماسێ بووە و زیان بە رەز و باخی هاوڵاتیان گەیشتووە.

وتیشی بەهۆی بۆردومانەکەوە ئاگر کەوتۆتەوەو بەهۆی بەردەوامەی سوڕانەوەی فڕۆکەکان بە ئاسمانی ناوچەکدا هاوڵاتیانی گوندەکان ترسیان لێ نیشتووە.

ئەوە لەکاتێکدایە بەبیانوی بونی گەریلاکانی پەکەکە فڕۆکە جەنگیەکانی تورکیا بەردەوام و رۆژانە بۆردومانی گوندەکانی زاخۆ و ئامێدی و سنورەکانی دیکە دەکەن.