وەزارەتی پەروەردەی حکومەتی هەرێمی کوردستان پلانی دەستپێکردنەوەی پڕۆسەی خوێندنی ئەمساڵی پەسەندکرد و ڕۆژی چوارشەممەش لە کۆبوونەوەی لیژنەی باڵای روبەڕوبوونەوەی کۆرۆنا، بڕیار لەوبارەیەوە دەدرێت.
وەزارەتی پەروەردەی هەرێم لە راگەیەندراوێکدا بڵاویکردەوە، "ئەمڕۆ دووشەممە ١١ی ١ی٢٠٢١، بەسەرپەرشتی (ئالان حمەسعید سالح) وەزیری پەروەردەی حکومەتی هەرێمی کوردستان و بەئامادەبوونی بریکاری وەزارەت و ئەندامانی ئەنجومەنی وەزارەت کۆبوونەوەی ئەنجومەنی وەزارەت بەڕێوەچوو".
ئاماژەی بەوەشکردووە، لە کۆبوونەوەکەدا سەبارەت بە پلانی وەزارەتی پەروەردە بۆ دەستپێکردنەوەی خوێندنی ساڵی ٢٠٢٠– ٢٠٢١، پلانی پێشنیارکراوی وەزارەت بەکۆی دەنگ پەسەند کراوە و بڕیاروایە رۆژی چوارشەممە، بەمەبەستی بڕیاردان لە کۆبوونەوەی لیژنەی باڵای روبەڕوبوونەوەی کۆرۆنا پێشکەش بکرێت.