ئێوارەی ئەمڕۆ شاندی هەرێم گەڕایەوە بەغدا و بڕیارە لەماوەی دوو رۆژی داهاتوودا گفتوگۆی یەکلاکەرەوە لەگەڵ بەغدا بکەن.
پەیامنێری تۆڕی هەواڵی ژیان ڕایگەیاند لیژنەی دارایی پەرلەمانی عێراق 36 کۆبونەوەی لەسەر بودجە کردوە و بڕیارە سبەینێش لەگەڵ حکومەتی عێراق کۆببنەوە.
هەروەها شاندی هەرێم داوایان لە لایەنەکانی بەغدا بەتایبەت شیعەکان کردوە هەڵوێستی یەکگرتوو و یەکلاکەرەوەی خۆیانیان پێ بڵێن،چونکە تا ئێستا هەر لایەک و ڕایەکی هەیە.
ئەوە لەکاتێکدایە ئەمڕۆ هۆشیار عەبدوڵا ئەندامی لیژنەی دارایی پەرلەمان ئاشكرایکرد لایەنە شیعەکان پێشنیارێکی نوێیان خستۆتەڕوو و داوا دەکەن بەغدا لە بەندەری جەیهانی تورکیا هەموو نەوتی هەرێم وەربگرێت.
هەروەها لایەنە سوننەکانیش رایانگەیاندوە ئەوان کێشەیان لەگەڵ پشکی هەرێم نیە و پشتگیری دەکەن.