ئەو لێدوانا شەرمنانە ئەوا كۆ بەردەوام بەرپرسێن ئەمنی و ئیداریێن ڤێ هەرێمێ ددەن كۆ دەستێ دەرەكی ل پشت بویەرێن نەرازیبونانە ئەڤان خالان ڤەدگریت.

یەكەم: دانپێدانەكا راستەوخویە كو ئەو دەزگەهێن ب ناڤ ئەمنی شایەنی پاراستنا نشتیمانی نینن ژبەركو بەردەوام ب دانپێدانا وان دەستێن دەرەكی دناڤ ڤی نشتیمانی دا هەنە و مەترسینە ل سەر ئاسایشا مە و وان پێ چێنابیت مە بپارێزن.

دووەم: ئەگەر مەبەستا وان ئەوە لایەنگرێن حزبێن دی ژ بلی حزبێن وان دەرەكی نە ئەو لوی دەمی دانپێدانە كۆ سازیێن حزبینە و شایەنی رێزێ نینن و هاولاتی و پاراستنا هاولاتی بو وان گرنگ نینە ژبلی ئەندام و لایەنگرێن وان.

سێیەم: ئەگەر مەبەستا وان ئەوە كۆ دەستێ دەرەكی ئەون ئەوێن هوشیار و فێری سەرشوری و مافخارنێ نەبوین و بێ  دەنگ نابن ل ڤی دەمی ئەڤ سازی یە یێ هەولا دروستكرنا نڤشەكێ چاڤ شور دكەن و ئەڤە ژی مەترسی یە ل سەر پاشەروژێ و دروستبونا نشتیمان و سازیێن دیموكراتی ل گور پیڤەرێن سەردەم و كوشتنا غیرەتا بەرهەنگاریێ یە ئەگەر هات و سوبەهی هەرەشە و دەست درێژی ل سەر ئاخ و نشتیمانی هاتە كرن ئەوێ سەرشور و هاتینە بێ دەنگكرن دێ هەر بێ دەنگ و سەرشورتربن.

خواندنەكا راستەقینە یان بابەتێ دەستێ دەرەكی د مێژوو و سەرەدەریا كەتواریدا چ لایەن وەكۆ پارتی و ئێكەتی دەستێ دەرەكی نە ئیناینە و نە بوینە ژ چەك وەرگرتن و پارە وەرگرتن و هەتا ئینانا هێزو بارەگاێن دەست و پێت دەرەكی نەك بتنێ دەستی دەرەكی بێ گومان ب گوتن و دانپێدانێن وان ێت مێژووی و بەردەوام ژی نەڤەشارتینە ل ڤێرێ یان ئەڤان دڤێت ڤێ چەندێ ب ڤێ بەهانەیێ بكەنە تشتەكێ نورمال یان ژی عەقل و تێگەهشتنا وان هندە و هزر دكەن سەردەمێ تالانیا كەرامەتێ یە وەكی د مێژویێ دا ئەنجام دای.

گرتن و راگرتنا چالاكڤان و روژنامەڤانان ب بەهانەیا هاندان و پشێویێ ب ڤی شێوازی ڤەرێژا دەستهەلاتداریەكا ئەمنی عەسكەری یە و وەلاتی بەرەف سیستەم و سازیێن نشتیمانی نابەت تولڤەكرن ژی ل هاولاتی كارێ دەستهەلات و دەستهەلاتدارێن بچویكە و ل دەمێ پێتڤی سزاێن توند دێ پەیداكەن.

نان برین و تالانكرنا نان و ژیارا خەلكی ب دانپێدانا وان یا راستەوخو بەشا هندێ نەدەتێ كومەكا كەسان خرڤە ببن و ب بچوكترین ماف بانگ بكەن ئەم قەبول ناكەین ئێدی ئەڤە نیشانا نڤێسینا دوماهیك لاپەرێن پەرتوكەكا 30 سالی یە و بەهانەێن وان ێن بێ بنەما  دێ ڤێ پەرتوكێ ژی ژناڤ بەت.

ژ لایێ یاسایڤە پرانیا جاران ئەڤ هاولاتی و چالاكڤانێن سیاسی و روژناڤانێن  دهێنە گرتن ناهێنە رەوانەكرن بو دادگەهێ ل ڤێرێ ب روونی دیار دبیت گرتنا وان بێ بریارا دادوەری یە و بەردانا بەشەك ژ وان ب رێككەفتنێن سیاسی و دروستكرنا پەیماننامان ل سەر وان و بەردان جارەكا دی بێ دەدگەه كارەكێ دیێ نەیاسایی یە ئێدی ئەڤە  روونی بێ دەنگیا دادوەر و داواكارێن گشتی و یاساناس دئێخیتە بەردەم پرسیارەكا ئەخلاقی و یاسایی و نەبونا هەلویستی ل سەر رەوشا نها یا هاولاتیان و بێ دەنگ بوون ل سەر بن پێكرا یاسا و دادگەهان ئەو پەری شەرمەزار ی و بێ دەستهەلاتی یە .