سۆرانی  |  بادینی  |  English      

ل هەڤهاتن باشترین چارەسەری یە!

سگڤان ئەرتیسی

چاودێری سیاسی
  04/11/2020  |    352 جار خوێندراوەتەوە

جوگرافیا کوردستانێ ژ دەما ژ ناڤچونا ئمپراتوریەتا میدی تا نها گەلەک گورانکاریێن دیموگرافی ب سەر دا هاتینە، ئەڤ گهورینە ژ ئەنجامێ بێ خوەدانی و بێ دەسهەلاتی یا کوردان بی یە.

دەما تەماشەی دوزا کوردی دکەین ب رونی بۆ مە دیاردبیت، تەنها کێشا کوردا خاکە، نەک ئاین و ئایدولوژی و دەسهەلاتداری یە، ژ بو وێ کو باشتر د ڤی بابەتی بگەهین، پێویستە ب مێشکەکێ ڤەکیتر و دویر ژ دەمارگیریا پارتایەتیێ بکەڤین دناڤ روژەڤێ دا !

دیارە ئەڤ تاریاتیا نها کورد تێدا ژیانێ دکەن، ژ دەرئەنجامێ ڤێ عەقلیەتیێ بی یە، ئانکو بۆ داگیرکەرا هەردەم خزمەتکار بینە و بۆ ئێک و دوو سەرخۆربینە، نزانم دێ کەنگی دەستا ژ بەرژەوەندیێن بەرتەسک بەردەن و یێن وەلات بوونێ بلندتر راگرن !

بتنێ بو زانینا وە مللەتێ کورد بەری وەژی هەر هەبی یە و دێ پشتی وەژی هەر هەبیت! ژ بەر وێ ل سەر هەژموونا مللەتێ کورد خوە نەکەن فریشتە و وەسا دیارکەن گەر هوین نەبن مللەت ژی نابە !

گەر راستە هوین د تێکوشن ژ بو رزگارکرنا خاک و تاکێ کورد، کەرەمکەن ل هەڤهاننەکێ دناڤبەرا خوە دا ل گورەی روژەڤێ بکەن بەرنامە و پروژەکێ نەتەوەی، بلا ئەم راست گۆ بین ل گەل خوە، نها هوین سێ هێزێن سەرەکینە( ئێکەتی، پارتی، پەکەکە) دیارە ژی هوین خودان هێزن ژ لایێ مادی لەشکەری جمهوری خاک هتد..

ئەگەر بهێت و هوین ڤان هێزا بکەن د چارچوڤەکێ ل هەڤهاتنێدا ئەز باوەرم دێ شێن گەلەک بهێزتر کەڤن قادا راستەقینە یا رزگارکرنا خاک و وەلاتی دا.

هندەک نموونێن زیندی بینین .

دەما شەرێ رزگارکرنا عراقێ دەست پێکری ل 2003 ل وی دەمی پارێزگەها کەرکوکێ ب هەمی جوگرافیا خوە پارتی و پەکەکێ دەستێ هەڤکاریێ بو ئێکەتیێ درێژکربا ب هەمی هێزێن مادی و لەشکەری ڤە، و بۆ پارێزگەها مویسل ژی ئێکەتی و پەکەکێ هەڤکاریا پارتی کربا، و ل 2014 ێ ئێکەتی و پارتی بۆ پەکەکێ ل روژئاڤا درێژکربا، ئەز باوەرم ئەڤرو کەرکوک و مویسل و روژئاڤا دا د رەوشەکا گەلەک پێشکەفتی تردا بن، بۆ روژهەلات ژی هەمان شێوە، لێ محابن ل دەف وە وەسا دیارە وە دڤێت خاکا و خەلک بکەڤن بن پوستالا دوژمنا، نەک ل بن حکومرانیەکا کوردی دا بن .

هەر کارو کریارەکا مروڤ دکەت دڤێت ئەنجامێن وێ ل گورەی دارشتنا تیورێن پشک ژ وان هەلویستا دەرئەنجاما رون و ئاشکەرا بکەن !

ل ڤێرێ پرسیار دهێن؟

ئەرێ ژ شەرێن بەرێ و ئەوێن بەری وە ژ خرابکرنێ چ دی دەست کەفتی یە؟

ئەرێ هوین هزرناکەن هوینێ جڤاکێن کوردی دکەن دوژمنێ هەڤ دوو؟

ئەرێ ژ کوشتنا گەنج و لاوێن کوردا دێ ژێدەتر چ دەست وە کەڤیت؟

ئەرێ ژ کەیف ئینانا داگیرکەرا زێدەتر دێ چ دەست وە کەڤیت؟

یان وە دڤێت ب ئێکجاری خاک و مللەتێ کورد بکەن قوربانی بەرژەوەندیێن خوە !


زیاتر