بەڕێوەبەرایەتی ئاسایشی ڕاپەڕین، بەهەماهەنگی بەڕێوەبەرایەتی گشتی نەهێشتنی ماددە هۆشبەرەکان توانیان دەستبەسەربڕی(٤)کیلۆ گرام ماددەی هۆشبەر بگرن و دوو بازرگان دەستگیربکەن.
دەزگای ئاسایشی هەرێمی کوردستان لە راگەیەندراوێکدا دەڵێت، شەوی ٢٠٢٥/١٠/١٣ بەڕێوەبەرایەتی ئاسایشی ئاسایشی ڕاپەڕین، لەسەر بنەمای زانیاری پێشوەخت، بەبڕیاری دادوەری لێکۆڵینەوەی ئاسایش، توانیان لەسنوری ئیدارەی ڕاپەڕین، دووبازرگانی ماددەی هۆشبەر دەستگیربکەن و دەستبەسەر بڕی(٤)کیلۆ ماددەی هۆشبەر لەجۆری(کریستاڵ) و بڕی(٧٥٠)دەنک حەبی ترامادۆڵ بگرن.
لەئێستادا تۆمەتباران بەبڕیاری دادوەر بەماددەی ٢٦لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لەدۆسیەکانیان بەردەوامە.