د. هەڤاڵ ئەبوبەکر، پارێزگاری سلێمانی لە پەیامێکدا دەڵێت، بە بۆنەی نزیکبوونەوەی جەژنی لەدایکبوونی حەزرەتی مەسیح (سڵاوی خودای لەسەر بێت)و، هاتنی ساڵی نوێی زاینییەوە، پیرۆزبایی لە هەموو خوشک و برایانی مەسیحیمان و هەموو خەڵکی پارێزگای سلێمانی و کوردستان و جیهان دەکەین.
پارێزگاری سلێمانی ئاماژە بەوەشدەکات، لە بەر ئەو کارەسات و ڕوداوە ناسۆرانەی لە سنوری قەزای چەمچەماڵ و ئیدارەی سەربەخۆیی گەرمیان ڕویانداو، قوربانیی و برینداربوون و زیانی زۆری لێکەوتەوە، لە پێناوی پشتیوانیی و دەربڕینی هاوخەمیی بۆ هەمووان، وەک پارێزگای سلێمانی؛ دڵنیاتاندەکەینەوە؛ لەگەڵ ئەوەی هەموو ڕێکارێکی پێویستیی کارگێڕیی و ئارامیی و ئاسایش و خزمەتگوزاریی پێویست گیراونەتەبەر، بەڵآم هیچ بۆنەو ئاهەنگێکی فەرمیی لە سنوری پارێزگای سلێمانیدا؛ بەڕێوەنابرێن.