سەرۆک کۆماری عێراق رایگەیاند پێویستە کێشەکانی کەرکوک بەپێی دەستور چارەسەربکرێت نەک ئەمری واقیع بەسەر شارەکەدا بسەپێندرێت.
بەرهەم ساڵح سەرۆک کۆماری عێراق پێشوازی لە ژمارەیەک کەسایەتی کەرکوک کرد و ڕایگەیاند حکومەتەکەی مستەفا کازمی سورە لەسەر چارسەرکردنی كێشە هەڵپەسێردراوەکان لەنێوایاندا کێشەی کەرکوک.
وتیشی پێویستە کێشەی کەرکوک بە رێگای کەرکوکیانە و بۆ خەڵکی ڕەسەنی کەرکوک چارەسەربکرێت و شارەکە ببوژێندرێتەوە.
سەرۆک کۆماری عێراق ئاماژەی بەوەشکرد لە ڕابردوودا بەهۆی پشتگوێخستنی شارەکە و بونی گەندەڵی و گوێ نەدان بە ئاڵنگەریا ئەمنیەکان هاوڵاتیانی کەرکوک زیانی زۆریان کردوە.
بەرهەم ساڵح ڕاشیگەیاند زۆر گرنگە گفتوگۆ لەنێوان پێکهاتەکانی کەرکوک هەبێت بۆ چارسەرێکی کەرکوکیانەی کێشەکان بەپێی دەستور نەک سەپاندنی ئەمری واقیع.