کوردی  |  English            

كەرەنتینە رێژەی منداڵبوونی لە فەرەنسا كەمكردووەتەوە

  2021-01-23  | 
 تۆڕی هەواڵی ژیان
ئەنجامی كەرەنتینە لە فەرەنسا رێژەی لە دایك بوونی منداڵی كەم كردووەتەوە و پسپۆڕانیش رایدەگەیەنن بەهۆی ترسی خەڵكی بووە لە منداڵ خستنەوە.


مانگی ئازاری ساڵی ڕابردوو كاتێك فەڕەنسا چووە ناو یەكەم داخستنی گشتی، لە تۆڕەكۆمەڵایەتیەكان باس لە دروستبوونی نەوەی كۆرۆنا دەكرا بەهۆی زۆر مانەوەی ژن و پیاو لە ماڵەكانیان، لەڵام دوای نۆ مانگ، ئامارە نوێیەكان ئەوە دەردەخەن كە لە بری زۆری لەدایك بوونی منداڵ وا دیارە فەڕەنسا تووشی وشكەساڵییەكی نائاسایی گەورە دەبێت لە لەدایكبوونی منداڵدا. 

منداڵی داخستن یان نەوەی كۆڤید یان نەوەی كۆرۆنا چەندین سەردێڕی گاڵتە ئامێزی تۆڕەكۆمەڵایەتیەكان بوو كە لە مانگی ئازاری ساڵی رابردوو باسی لێوە دەكرا و بەهۆی مانەوەی ژنان و پیاوان لە ماڵەكانیان بۆ ماوەیەكی درێژكە دوو مانگی تەواو لە ماڵەكانیان مانەوە و دواتریش لە مانگی تشرینی دووەم بۆ ماوەی چوار هەفتە جارێكی دیكە لە ماڵەكانیان مانەوە. 

بەگوێرەی چەند ئامارێك كە ئاژانسی فرانس 24 بڵاویكردووەتەوە فرۆشتنی پشكنینی دووگیانی بە ڕێژەی 37 % تەنیا لە چوار هەفتەی یەكەم داخستنی گشتی كەمی كردبوو. 

رۆژی سێشەممە دوای چەند مانگێك یەكەم ئەنجامەكان لەسەر ئاستی نەتەوەیی ئاشكراكران لە جیاتی گەشەی ئامارەكان ئەنجامەكان پێچەوانە كەوتوونەتەوە، ئەو ژمارانەی كە لە لایەن پەیمانگای ئاماری نەتەوەیی ئینسی كۆكراوەتەوە، دابەزینی 2%ی لە دایكبوونی فەرەنسا ئاشكرا كرد.

شارەزایان دەڵێن هۆكار زۆرە بۆ دابەزینی تازەلەدایك بووان و زۆرێكیش لە راستیدا پێشبینی كەمبوونەوەیەكی لەو شێوەیەیان كردووە كە بە وشكەساڵی ناوی دەهێنن. 

ئیڤا بیجوان، توێژەری بواری ئاراستە خێزانییەكان لە زانكۆی ڤییەنا دەخوێنێت، رایگەیاند لە ڕووی مێژوویی و ئابووری و قەیرانی تەندروستییەوە - وەك خەمۆكیی گەورە لە دەیەی 1930 و پەتای ئەنفلۆنزا لە كۆتاییەكانی دەیەی 1970 دا، بووە هۆی كەمبوونەوەی كاتی ڕێژەی لەدایكبوون. 

توێژینەوەیەك ئەم دواییەی كە لەلایەن ناوەندی  توێژینەوەی دیمۆگرافییەوە بڵاوكراوەتەوە لەسەر كاریگەری كۆڤید - 19 لەسەر پلانی نەزۆكی لەئیتالیا، ئەڵمانیا، فەرەنسا، ئیسپانیا و بەریتانیا - ئەو وڵاتانەی لەماوەی ساڵی 2020 دا لەچەند خولێك لەژێر داخستنی گشتیدا بوون، لەوێدا ژمارەیەكی زۆر دووپاتیانكردەوە كە بەهۆی ئەو دۆخەی دروست بووە پلانی منداڵیان بەتەواوی دواخستوە یان بە تەواوی وازیان لێهێناوە. لە فەرەنسا 50,7% خەڵك وتیان پلانەكانیان بۆ بوونی منداڵ دواخستوە، هەروەها 17,3% یان بە گشتی وازیان لێهێناوە. 

بیوجوان توێژەری ئاراستە خێزانیەكان دەشڵێت: جگە لە ترسە ئابوورییەكان و ئەو نادڵنیاییە گشتیەی بەهۆی بڵاوبونەوەی ڤایرۆسی كۆرۆناوە هاتە ئاراوە وا بیر لەوە دەكرێتەوە ڕێكاری بەربەستی لە خودی خێزانەكان خۆیاندا ڕۆڵێكی سەرەكییان لە دابەزینی لەناكاوی تازە لەدایك بوون هەبووە. 

هۆكارێكی تری ئەو بڕیارەی فەرەنسیەكان وا لێكدەدرێتەوە بۆ ئەوە بێت هەندێك كەس ناچاربوون بوونی منداڵ دوابخەن چونكە كلینیكەكانی لەدایكبوون و ئاسانكارییەكانی تری نەزۆكی یارمەتی پزیشكی لە كاتی یەكەم داخستنی فەڕەنسا داخران . 

لەگەڵ ئەوەشدا بیوجوان ئەوەشی وت، هەرچەندە قەیرانی قورس بە زۆری ڕێژەی لەدایكبوون كەم دەكاتەوە، كە راستەوخۆ پەیوەندی بە دۆخی ئابوریەوە هەیە. 

ئەمە كاتێكە ژیان دەگەڕێتەوە بۆ باری ئاسایی و خەڵك جارێكی تر ئیشیان هەیە لە فەرەنسا، دەكرێت سێ ساڵ یان شتێك، كە لە كاتی لەدایكبووندا دەست بە سەردا گرتنێك ببینین"