سۆرانی  |  بادینی  |  English      

بە ڤیدیۆ..پۆلیسی دهۆک دوو کەسی بە تۆمەتی فێڵکردن دەستگیرکرد

  2021-01-24  | 
 مازن شنگالی
وتەبێژی پۆلیسی دهۆک ڕایگەیاند دوو کەسیان بە تۆمەتی فێڵکردن دەستگیرکردوە کە هەستاون بە فێڵکردن لە هاوڵاتیانی بەتەمەن و پێانووتون لەناو پاکەتی کلینکس مۆبایلی گرانبەهاتان بۆ دەردەچێت.

هێمن سلێمان بە تۆڕی هەواڵی ژیانی ڕاگەیاند ئەو دوو کەسە مۆبایلی چینی هەرزانیان کردۆتە ناو پاکەتە کلینکسەکەوە و بە بڕی 300 هەزار داویانە بە هاوڵاتیان و پێیان ووتون مۆبایلەکان گرانبەهان.

وتیشی پاش سکاڵای هاوڵاتیان هێزەکانی پۆلیس لە بنکەی پۆلیسی زاوێتە بەدواداچونیان کردوە و توانیویانە هەردوو تۆمەتبارەکە دەستگیرکربکەن.

وتەبێژی پۆلیسی دهۆک داواشیکرد هاوڵاتیان وشیاربن و نەکەونە داوی ئەو کەسانەوە کەبەناو و شێوازی جیاواز فێڵ لە هاوڵاتیان دەکەن.