بەیانیی ئەمڕۆ لە یارییەکی بۆکسێندا کە بە یەکێک لە گرنگترین یارییەکانی مێژووی هونەرە جەنگییەکە تەماشادەکرێت، مایک تایسن رووبەڕووی جەیک پاڵ بووەوە.
مایک تایسن-ی ئەفسانەی یاری بۆکسێن نەیتوانی بەسەر جەیک پاڵدا سەربکەوێت و شەڕەکەی لێبەرێتەوە، سەرەڕای جیاوازی زۆری تەمەنیان، کە زیاترە لە ٣١ ساڵە، لەگەڵیدا جەنگا، بەڵام نەیتوانی بردنەوە تۆماربکات.
مایک ئێستا تەمەنی ٥٨ ساڵە، نزیکەی ١٩ ساڵە لە یارییەکان دوورکەوتووەتەوە، بەڵام رووبەڕووبوونەوەکەی جەیک پاڵی قبوڵکرد، ئەنجامی یارییەکەش بە جیاوازی چوار خاڵ لە بەرژەوەندیی جەیک پاڵ کۆتایی هات.
جەیک یوتوبەر، ئەکتەر و یاریزانی بۆکسینگە، یەکێکە لە ناوە دیارەکانی هونەرە جەنگییەکە لە سەردەمی ئەمڕۆدا و چاوەڕوان دەکرێت لە داهاتوودا زیاتر وەک یاریزانێکی پیشەگەری جیهانی بگەشێتەوە.