بەبۆنەی کۆچی دوای دایکیەوە، بافڵ جەلال تاڵەبانی سەرۆکی یەکێتی پرسەنامەیەک ئاراستەی ئەدهەم بارزانی دەکات و دەڵێت، "بەداخ و خەمێکی زۆرەوە هەواڵی کۆچی دوایی خاتوو ( خەیریە عەبدولرەزاق ) دایکی جەنابتانمان پێگەیشت".
دەقی پەیامی بافڵ جەلال تاڵەبانی سەرۆکی یەکێتی نیشتمانی کوردستان بۆ ئەدهەم بارزانی:
بەڕێز کاک شێخ ئەدھەم عوسمان شێخ ئەحمەد بارزانی
بەداخ و خەمێکی زۆرەوە هەواڵی کۆچی دوایی خاتوو ( خەیریە عەبدولرەزاق ) دایکی جەنابتانمان پێگەیشت.
بۆ ئەم خەمە گەورەیە پرسەو سەرەخۆشی ئاڕاستەی ئێوەو کەسوکارو بنەماڵە سەربەرزو تێکۆشەرەکەتان دەکەم کە نموونەیەکی باڵان لە خەبات و قوربانیدانی بزووتنەوەی رزگاریخوازی گەلەکەمان.
لەخوای گەورە داواکارین گیانی دایکی ئازیزتان بە بەهەشتی بەرین شادبکات، ئارامی و دڵنەوایی بە هەموولایەکتان ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان