حەج و عومرەی پارێزگای سلێمانی ئاشکرای کرد، بەرەبەیانی ئەمڕۆ عومرەکارێکی کورد لە شاری مەدینە کۆچی دوایی کردوە، دەشڵێت، عومرەکارە خەڵکی شاری سلێمانیە و ماوەی 11 رۆژ لە نەخۆشخانە ماوەتەوە
تەها سەعید ئەحمد، بەڕێوبەری نوسینگەی حەج و عومرەی پارێزگای سلێمانی رایگەیاند: بەرەبەیانی ئەمرۆ ٢٧\١٢\٢٠٢٥ عومڕەکارێکی کورد بەناوی (سەرگوڵ عبداللە حەمە کەریم )،لە سعوودیە لەشاری مەدینەی پیرۆز جەڵدەی دەماخ لێداو لە ١٦ ، ١٢ ئەمڕۆ دوی مانەوەی نزیکەی یانزدە ڕۆژ لە نەخۆشخانە کۆچی دوایی کرد.
ئاماژەی بەوەشداوە: ئەم عومڕەکارە خەڵکی پارێزگای ( سلێمانی )، تەمەنی لە سەرووی (٧٩) ساڵییەوە بووە ئەمرۆ لە شاری مەدینەی پیرۆز کۆچی دوایی کردووە و بڕیاریشە هەر لە شاری مەدینەی پیرۆز بەخاک بسپێردرێت.
لە کۆتایدا حەج و عومرەی سلێمانی هێمای بۆ ئەوەکردوە: ئێمە بەناوی نوسینگەی حەج و عومڕەی پارێزگای سلێمانی بەڕێوبەرایەتی گشتی حەج و عومرەی هەرێم و وەزارەتی ئەوقافەوە سەرەخۆشی ئاڕاستەی کەسوکاری ئەو عومڕەکارە دەکەین و داواکارین لە خوای گەورە جێگەی بە بەهەشتی بەرین شاد بکات و سەبووریش بە کەسوکاری بدات.