فراکسیۆنی یەکێتی لە پەرلەمانی عێراق لهسهر هێرشهكهی ئهمڕۆ دهڵێت: بەتوندی کردەوە دوژمنکارییەکەی ئەمڕۆی فرۆکەخانەی کشتوکاڵی عەرەبەت ئیدانە دەکەین، کە بەهۆی بوردومانی دوو فرۆکەی بێفرۆکەوانەوە شەش پێشمەرگەی دژەتیرۆر شەهید و برینداربوون.
بەتوندی کردەوە دوژمنکارییەکەی ئەمڕۆی فرۆکەخانەی کشتوکاڵی سەربە ناحیەی عەرەبەتی پارێزگای سلێمانی دەکەین، کە بەهۆی بوردومانی دوو فرۆکەی بێفرۆکەوانەوە شەش پێشمەرگەی دژەتیرۆر شەهید و برینداربوون.
ئەم کردەوە دوژمنکارییە پێشێلی سەروەری خاک و ئاسمانی دەوڵەتی عێراقە، کە بەداخەوە ئەمە چەندینجارە لەسنوری پارێزگای سلێمانی و هەرێمی کوردستان روودەدات و هەرەشەشە بۆ سەر ئۆقرەیی و ئاسایشی عێراق و هەرێمی کوردستان.
داوای لەحکومەتی ئیتحادی دەکەین کە بێتە دەنگ لەئاستی ئەم پێشلکاریانەی سەر سەروەری عێراق و رێوشوێنی دیپلۆماسی بگرێتەبەرو ئەنجامدەرانی ئەمجۆرە کردەوە دوژمنکارییانە ناچار بکرێن رێز لە سەروەری خاک و ئاسمانی عێراق بگرن و دەست لەم تاوانکارییانە هەڵبگرن.
داوا لە فراکسیۆن و پەرلەمانتارانی نیشتمانپەروەری ئەنجومەنی نوێنەرانی دەکەین هەڵوێستیان هەبێت لەپاراستنی سەروەری و ئارامی عێراق.
سڵاو لەرۆحی ئەو پێشمەرگانەی دژەتیرۆر کە ئەمرۆ لەبۆردومانەکەدا شەهیدبوون، کە ئەم هێزە رۆڵی گەورەی لە شەڕی تیرۆرو تێکشکاندنی تیرۆریستانی داعش و هاوکارو هەماهەنگی هێزەکان و دەزگا ئەمنیەکانی ئیتحادی بوون لە پاراستنی ئاسایشی عێراق.
فراکسیۆنی یەکێتی
لە ئەنجومەنی نوێنەرانی عێراق