سەرپەرشتیاری فەرمانگەی گومرگی پارێزگای كرماشان ئاشكرایدەكات، لەدوای مانگی ئازاری ئەمساڵەوە ئێران بە بەهای زیاتر لە 650 ملیۆن دۆلار كاڵا و شمەكی لەو دەروازەیەوە هەناردەوی هەرێمی كوردستان و عێراق كردووە.
عەلی ئەسغەر عەباس، سەرپەرشتیاری فەرمانگەی گومرگی پارێزگای كرماشان ڕایگەیاند، لە هەشت مانگی یەكەمی ئەمساڵی ئێراندا کە (لە 21ی ئازاری ڕابردووەوە دەستپێدەكات) ملیۆنێك و 882 هەزار و 766 تۆن كاڵا و شمەك لە دەروازەی سنووریی پەروێزخانەوە هەناردەی عێراق و هەرێمی کوردستان کراوە.
ئاماژەی بۆ ئەوەکردوە کە بەهای هاوردەی عێراق لەو دەروازەیەوە بەهاکەی گەیشتوەتە 659 ملیۆن و 887 هەزار و 472 دۆلار و بەراورد بە هەمان ماوەی ساڵی رابردو قەبارەی هەناردەیان بۆ عێراق بەڕێژەی 20% زیادیکردوە.
سەرپەرشتیاری فەرمانگەی گومرگی پارێزگای كرماشان ئاماژەی بەوەشکردووە،لەهەمان کاتدا لە دەروازەی شوشمێوە بڕی ١٩٦ هەزار و 731 تۆن شمەک هەناردەكراوە كە بەهاكەی دەگاتە 26 ملیۆن و 836 هەزار و 323 دۆلار.