سەرۆكی فراكسیۆنی یەكێتی لە ئەنجومەنی نوێنەرانی عیراق ڕاگەیاند: گێڕانەوەی پاشەكەوتی مووچەی فەرمانبەرانی هەرێم بەرێژەی ١٠٪ی مانگانە) لە پرۆژەیاسای بودجەی ساڵەكانی ٢٠٢٣، ٢٠٢٤ ، ٢٠٢٥ جێگیركرا.
هەرێم كەمال ئاغا، سەرۆكی فراكسیۆنی یەكێتی لە ئەنجومەنی نوێنەرانی عیراق ڕایگەیاند: یەكێتی كە وەك هەمیشە لە خەمی خەڵك و هاولاتیانی هەرێمدایە و هەروەك چۆن بەڵێنیدابوو كە پرسی بودجە و مووچە و داكۆكیكردن لە قوتی هاولاتیان پێشینەی كار و ئەركەكانیبێت لە بەغدا و ئەنجومەنی نوێنەران ، ئەمڕۆ یەكێتی ئەو بەڵێنەی بردەسەر و بابەتی ، موچەی فەرمانبەران و خانەنشینانی هەرێم ، مافی پارێزگاكانی هەرێمی لە بودجەی بەگەڕخستن و وەبەرهێنان و گەشەپێدانی هەرێمەكان جێگیركرا.
وتیشی: گێڕانەوەی پاشەكەوتی مووچەی فەرمانبەرانی هەرێم بەرێژەی ١٠٪ی مانگانە لە پرۆژەیاسای بودجەی ساڵەكانی ٢٠٢٣، ٢٠٢٤ ، ٢٠٢٥ جێگیركرا.