ئەندامێکی لیژنەی نەوت و غاز لە پەرلەمانی عێراق ڕایدەگەیەنێت، بڕیارە ئەم هەفتەیە نەوت بۆ هەرێمی کوردستان رەوانە بکرێت.
ژیان:
سەباح سوبحی ئەندامی لیژنەی نەوت و غاز لە پەرلەمانی عێراق ڕاگەیاندووە،"هۆکاری دواکەوتنی ناردنی نەوتی سپیی ماڵان لە بەغداوە بۆ هەرێمی کوردستان، لەبەر نرخەکەی بوو، کە ئەویش چارەسەر کراوە و رێکارەکانی تەواو بوون".
ئاماژەی بەوەشداوە،"ئەنجومەنی وەزیران رەزامەندیی لەسەر نرخەکەی داوە، کە نرخی هەر بەرمیلێک ٦٠ هەزار دینارە".
ئەوەشی خستووەتەڕوو،"بڕیارە ئەم هەفتەیە نەوتی سپیی ماڵان لە بەغداوە رەوانەی هەرێمی کوردستان بکرێت و بەپێی پێویستیی هەرێمی کوردستان نەوتەکە رەوانە دەکرێت، بۆیە ئەم هەفتەیە نەوت دەگاتە هەرێمی کوردستان".