بەڕێوەبەرایەتی گشتی نەهێشتی مادە هۆشبەرەکانی سەر بە ئەنجومەنی ئاسایشی هەرێمی کوردستان ڕایگەیاند، لە دەروازەی حاجی ئۆمەران دەستگیراوە بەسەر کیلۆیەک مادەی هۆشبەر و دوو تۆمەتباریش دەستگیر کراون.
لە ڕاگەیەندراوێکدا بەڕێوەبەرایەتی گشتی نەهێشتی مادە هۆشبەرەکان بڵاویکردەوە، مادەکە لە جۆری کریستاڵە و دوو تۆمەتباریش بەگوێرەی مادەی ١٤ی یاسای مادە هۆشبەرەکان دراونەتە دادگا و دەستیش بەسەر چەکێکی جۆری کڵاشبنکۆفدا گیراوە.
بەهۆی تەشەنەکردنی بەکارهێنان و بازرگانی کردن بە مادە هۆشبەرەکانەوەنەوە لە هەرێمی کوردستان، لایەنە پەیوەندارەکانی ئەو دۆسییە، تا ئێستا چەند جارێک هۆشداریان داوە لەوەی ڕۆژ لەدوای ڕۆژ بەکارهێنان و بازرگانیکردن بە مادەی هۆشبەرەوە لە هەرێمی کوردستان ڕوو فراوانبوون دەکات.