ئەمڕۆ دانیشتنی دووەمی دادگایکردنی رۆژنامەنوسان و چالاکان شیروان شیروانی و شڤان سەعید و گوهدار زێباری و ئەیاز کەرەم و هاریوان عیسا بەڕێوەدەچێت.
رۆژنامەنوس نیاز عەبدوڵا ڕایگەیاند ئەوەی دەبیندرێت دادگایکردنەکە بەچاودێریەکی ئەمنی بەهێز و بە ئامادەبوونی ئاسایش لە هۆڵی دادگا و دەرەوەی هۆڵەكە بەڕێوە دەچێت.
نیاز عەبدوڵا مەترسی خۆی نیشانداوە کە ئەو رێوشوێنە کاریگەری بەسەر بێ لایەنی و سەربەخۆی بڕیاری دادگاوە هەبێت.
نیاز عەبدوڵا ئەوەشی نوسیوە ئەو بەڵگانەی دوێنی لە دژی ئەو رۆژنامەنوس و چالاکانە خراوەتە ڕوو ناکرێت بە بەڵگە هەژماربکرێت،چونكە بریتییە لە كۆمەڵێك چاودێری نامە و خوێندنەوەی نامە كە گوایە بەشێكیان تۆماری دەنگی ماسنجەر و واتسئاپ-ن .
ئاماژەی بەوەشکردوە ئەو كەسانەی كە وەك هەواڵدەر یان شایەدحاڵ و بەڵگە خراونەتە روو پێویستە رووبەڕووی تۆمەت خراوە پاڵەكان و پارێزەرەکانیان بكرێت بۆ سەلماندنی راستییەكان و ئاراستەكردنی پرسیای پارێزەران بۆیان.
ئەوە لەکاتێکدایە دوێنیش دادگاییکردنی یەکەمی بەشێک لە گیراوانی بادینان ئەنجامدرا و پاشان دادگایەکە دواخرا.