بەڕێوەبەری تەندروستی دهۆك رایگەیاند كێشەی كەمی دەرمان لە شارەكە و هەرێمی كوردستانیشدا هەیە، بەڵام كێشەكە نەبووەتە نەبوونی دەرمان.
نزار عیسمەت، بەڕێوەبەری تەندروستی دهۆك، رایگەیاند، كەمی دەرمان لە سەرتاسەری عێراق و هەرێمی كوردستان و دهۆكیش هەیە، ئەوە راستەكە كەمی دەرمان هەیە بەڵام نەبوونی دەرمان راست نیە.
ئەو لە كۆنگرەیەكی رۆژنامەوانیدا لەگەڵ نوێنەری رێكخراوی تەندروستی جیهانی و نوێنەری رێكخراوی icu وتیشی، كەمی ئۆكسجینیش لە نەخۆشخانەی بیدارێ كەمێك كێشە هەبووە، بەڵام چارەسەر كراوە و بە پشتیوانی دارایی سەرۆكی حكومە تكە دابینی كردووە.
ئەو قسانەش لە میانی راگەیاندنی قۆناغی پێنجەمی هاوكاریەكانی ئەو رێكخراوانە بوو بۆ تەندروستی دهۆك كە تیایدا هەموو نەخۆشخانەكان رێكخرایەوە و تیایدا یەكەیەكی چڕی چاودێری بۆ منداڵان كرایەوە كە بڕی 620 هەزار یۆرۆی تێچووە.